雖然歐洲疫情依然嚴重，但巴黎時裝周仍如期舉行。前日天橋上出現稀客，荷里活女星狄美摩亞（Demi Moore）罕有現身做模特兒為時裝品牌行騷，久未公開露面的她雙頰凹陷走晒樣，惹來整容疑雲！照片曝光後，大批網民洗版式留言：「個樣好唔妥，我諗唔通係整容抑或係化妝師有問題。」
同場還有幾位國際超模包括英國超模姬摩絲（Kate Moss）與18歲囡囡Lila Moss、Bella Hadid、娜奧美金寶（Naomi Campbell）和「粗眉模」Cara Delevingne等。為安全起見，大會安排模特兒於玻璃箱行騷，跟傳媒隔開。