獲麥玲玲指點迷津 蘇皓兒桃花旺老嫩通殺

蘇皓兒4年後30而已，到時先拍拖都未遲。

蘇皓兒（Chloe）及堪輿學家麥玲玲昨日出席「東港城新春花市限定店」，身穿短裙的Chloe獲對方批桃花運旺，老嫩都喜歡她，她即謙說：「唔係好feel到。（你鍾意年紀大定細？）唔關年紀事，最緊要心智成熟少少。」單身的她謂現時冇人追：「我想30歲先拍拖，依家26歲，想專注工作先，玲玲姐話我出年事業好呀。」麥玲玲批她牛年有貴人運，事業會有新嘗試。

批中鄭爽 被追捧

提到麥玲玲批中內地女星鄭爽有桃花劫，獲內地網友追捧，她即笑言：「其實我上年都有批中趙麗穎會偷偷註冊，仲有Angelababy同黃曉明兩條蛇走埋一齊會難相處，會互咬。佢哋係高風險嘅夫妻，要好辛苦經營。」提到她被網友翻出舊相，大讚她樣貌及38G身材數十年如一日，她即笑言：「我細個唔知，成日畀人望住心口講嘢，我本身又比較肥。」在旁Chloe即大感羨慕：「玲玲姐真係好有料。」

麥玲玲批蘇皓兒有貴人運，女神當堂笑逐顏開。

Kawaii笑言不能太揀擇，免得蘇州過後冇艇搭。

Kawaii心急姻緣

同場的Kawaii擔任主持，笑言有要求麥玲玲指點迷津：「有問姻緣，佢話我牛年會有啲蛇蟲鼠蟻嚟識吓我，我都心急，佢叫我留意吓啲喺海外住或返嚟嘅人，咁我依家都有呢啲海外朋友，但嗰啲唔得，暫時未啱我歡心！」談到擇偶條件？她笑言：「冇咩條件啦，再要條件我嫁唔出啦。」