梁雪瑤為搵錢 建築公司兼職
最近鬧出負面新聞的前亞姐梁雪瑤（Sheryl），被前度踢爆貪慕虛榮，想黐有錢人，她大感委屈，並向友人哭訴指平日出入搭港鐵、巴士，亦沒有名牌手袋及衫褲，更自爆為了生計，最近做回建築設計的老本行，她說：「用咗6位數做咗2首歌，要努力搵錢，依家喺建築公司兼職建築設計。」
讀建築設計出身的她以歌手許廷鏗為榜樣，因對方邊做牙醫邊唱歌，而身邊朋友都叫她不要放棄自己的專業，故決定考建築師牌，並說：「個牌都要時間浸淫，除咗要再讀Master，都要有相關工作經驗，所以我兩邊同步去做，始終驚娛樂圈係青春飯，建築設計長久啲，但我唔會放棄唱歌夢想。」
唔介意男友矮
最近自資推出第2首歌《王子與矮人》的她，再次親自填詞，又揼本製成CD，她說：「人生第1隻CD，係好好嘅紀念。」身高1米73的她坦言試過有男友矮過自己，但她覺得身高不是問題，內在條件更吸引。而她跟亞視已經解約回復自由身，之前以嘉賓身份到無綫錄影節目《姊妹淘》，希望能亮相更多平台，讓大家對她有更多認識：「我覺得邊個平台都好，最重要可以宣傳自己嘅音樂。」