胡定欣揀「下欄嘢」考廚藝
胡定欣與陳山聰為無綫節目《煮場爭霸》擔任嘉賓，負責出題挑戰「廚神」保哥及Ricky。定欣竟棄山珍海味，選擇以豬手為比併食材，山聰笑說：「點解揀呢樣呢？有鮑魚同魚翅都唔揀喎！定欣朝朝食花膠拉麵，打開雪櫃淨係得呢啲『下欄嘢』！」他之後再投訴至今仍未試過好友的手勢：「去佢屋企Gathering，次次都係叫麻辣火鍋外賣！（佢淨係煮畀將來嘅另一半食？）我都想佢係咁！」
定欣自言只是不想班門弄斧：「豹嫂（胡蓓蔚）同山聰太太煮得好好味，而袁偉豪嘅甜品同咖啡好出色。其實豹哥（單立文）最犀利，煮嚟煮去都係兩味，但食極唔厭，佢仲會諗啲好浪漫嘅菜式名，好似『星光熠熠蒸排骨』同埋『情味濃濃滷水雞翼』。」她自認為食，所以要勤做運動「找數」才能繼續大快朵頤，這亦是其生活動力。