愛駒開齋！ 方力申拉頭馬荷包脹

小方入場為愛駒打氣，見證勝利一刻！

方力申去年與朋友夾份投得「將俠」榮升馬主，昨日親自入場為愛駒打氣，結果第4次出賽的愛駒開齋，次熱跑出，他與朋友齊齊開心拉頭馬！小方透露買獨贏及位置各5,000元，最終落注1萬，合共收回3萬元，再加上拉頭馬獎金，相當和味！

• 夾份做馬主的小方（右一），同朋友落場分享喜悅。

緊張過泳賽

小方受訪時直言睇愛駒出賽，緊張過自己當年參加游泳比賽：「贏馬好開心，之後會同朋友飲香檳慶祝！」他指愛駒試過不良於行，希望牠健健康康，可以繼續贏獎金。他自言不太擅長投注，但認為養馬是很好的聯誼活動：「識到好多朋友，喺街度見到有啲人就算冇聽過我啲歌或睇我啲戲，都知道我有養馬，會一齊傾馬經。」

但他笑言不敢再像上次般走到馬匹亮相圈：「怕朋友喺電視見到我而落重注，之前搞到佢哋輸錢，令我有壓力，費事畀人詛咒！」