林二汶3月紅館開騷

林二汶今年首奪「叱咤我最喜愛的女歌手」大獎，曾向歌迷承諾得獎就開騷的她，果然「找數」，昨日宣布3月底在紅館舉行處女演唱會。受疫情影響，去年多個紅館騷相繼取消，只有張敬軒成功登場，若二汶可順利開騷，將是今年紅館第一人！她透露已密鑼緊鼓準備，首要管理好身體狀況，笑說：「因為抗疫期間大家都肥咗，我會畀心機練氣先，因為喺紅館開係唔容易，我唔可以失禮。」