Jacky仔移居日本發展

童星出身、人稱「Jacky仔」的王樹熹，前年重返無綫拍攝劇集《她。她。她的少女時代》，不過日前他已啟程離開香港，搬到日本定居及發展，他在社交網分享一張在機場離境時拍下的照片，留言：「初時都係抱着試吓嘅心情申請，竟然符符碌碌就合格咗。雖然去日本就代表要放棄香港嘅生活同工作，但係最後都下定決心挑戰，去一個似乎熟悉卻唔熟悉嘅地方，跳出自己嘅舒適圈。」他又感謝家人和朋友的支持及鼓勵，並說：「接近20年嘅演藝生涯，好高興可以同觀眾以及一直支持我嘅粉絲一齊成長。今次嘅挑戰雖然唔係向演藝嘅道路發展，但都係我依家最想嘗試嘅事。我會繼續分享我喺日本嘅經歷同趣事，希望你哋繼續陪着我啦！」