龔嘉欣視后空降 陳山聰：要叨佢光！

出爐視后蔡思貝將與王祖藍拍攝古裝喜劇，而「馬國視后」龔嘉欣亦有着落，3月夥拍陳山聰、譚俊彥等開拍新劇《十八年後的終極告白2.0》！《十》劇去年播出時口碑甚佳，更被網民封為「神劇」，紛紛要求開續集，今次網民終於集氣成功，而參演的還有產後復出的譚凱琪、上輯表現突出的「豬肉婆」尹詩沛及趙希洛等。

上輯故事一開始已發生命案，之後不斷追尋真兇，劇情緊湊，大結局既悲且喜，陳山聰飾演的阿一最終要死，譚俊彥亦要坐監，但最後一幕幾兄弟齊齊於山上「重逢」，給觀眾另類大團圓結局的感覺。據知今輯故事雖與上次的因果報應有關係，但故事不同，會加入更多元素，比之前更有張力！

預告角色好激

劇中與譚俊彥飾演一對的龔嘉欣受訪，坦言得獎後不論觀眾與自己的要求都提高，問會否增添壓力，她說：「咁又唔會，係好開心，喺街啲觀眾見到我會祝福我，呢樣好寶貴。我未拍過懸疑片，都幾得意，今次角色好沉重，有啲緊張。」

而山聰受訪時表示，今次古仔、角色完全唔同：「我唔係演黑社會，斯文好多。（上次要除衫打擂台，今次使唔使再操？）今次梗係會畀啲難度我啦！都係好激，依家開始做運動Keep Fit。」談到與「視后」龔嘉欣合作，他說：「有個視后幫我哋坐鎮，成個劇唔同晒，要叨佢啲光！」向來對造型執着的他，更特地找朋友造了一批新衫供拍劇時用。