黃心穎搲復出 樂易玲：唔係佢話想就想
無綫高層樂易玲昨日出席馬浚偉的教育中心開幕禮，她上星期約了偷食人夫許志安的黃心穎食早餐，大爆對方提出回歸幕前的意向，但當日未有深入討論，因不想給對方太大壓力：「臨尾我都有問佢有咩打算，考慮留低定離開娛樂圈，佢話會返去認真諗吓，之後會再約佢，佢仲有啲人工未拎。」有傳心穎被8年長約綁死，她代為澄清：「當時佢係公司力捧嘅花旦之一，冇數過幾多年，但一定唔會少過嗰個數。（佢走要賠錢？）唔會。」問到若對方決定留低，公司會否給予機會？她說：「唔係佢話想就想，都要睇佢出嚟後，其他人會唔會接受，唔接受又冇理由行出嚟畀人講。」
