劉佩玥睇唔過眼 鬧爆大話精
無綫小花劉佩玥罕有發火，在社交網鬧爆有人講大話，引起無限揣測！口密的她未有透露對方姓名，只稱不是自己的朋友，事情亦不是發生在她身上：「只係睇唔過眼！」
劉佩玥（Moon）、龔嘉欣、張振朗、丁子朗及謝東閔等，昨日在將軍澳電視城宣傳劇集《堅離地愛堅離地》，期間眾人大玩遊戲。講到Moon深夜在社交網發文，不開名鬧爆「講咁多大話，仲要不停讚自己，你好唔好意思」，問到所指是誰？她笑言：「大家諗得太多，其實係我個人抒發，冇諗過大家咁關注，好多朋友都問我咩事，問我係咪唔開心，但其實件事唔係發生喺我身上，對我冇影響，都唔係咩大事。」
「唔係感情轇轕」
她強調自己不是見義勇為：「可能係我標準同其他人唔同，總之嗰個人唔係我朋友，只係睇唔過眼！（關感情事？）唔係感情轇轕。」記者笑言擔心她被人呃，她即自認醒目：「大個女會帶眼識人，總之係我啲原則、態度同其他人唔同，有啲氣憤難平，但邊個就唔講。」對於網民猜測她所指是蔡思貝？她說：「唔關事，絕對唔需要去猜係邊一個，我覺得講大話嘅人實在太多，做好自己就OK。」
張振朗：套套劇都要除褲
同場的嘉欣預告劇集其中一場戲，是振朗大髀現唇印，男方笑言：「嗰幕係講我飲醉酒唔見咗條褲，除剩條孖煙囪，唔知點解套套劇都要除褲，係咪除先可以做男主角？」提到他們早前均在頒獎禮獲獎，振朗表示未有時間與女友楊偲泳慶祝，嘉欣則多謝契媽當晚煮了羊腩煲等她回來慶祝，並自爆要執好個櫃擺獎：「當年女配角獎放第3格，今年拎嗰啲放第2格，最高嗰格暫時留空，希望攞到視后獎，畀個目標自己。」