陳瀅於無綫新劇《愛美麗狂想曲》中演超麻甩女子，令女神形象幻滅！她出席宣傳活動時，笑言藉角色發掘自己核突一面：「我會周圍撩鼻屎，又成日伸條脷出嚟，得閒𢱑腳趾同摸Pat Pat！拍嗰陣都豁出去，咩都做晒出嚟，有啲唔知有冇剪到，實在太核突。（冇晒女神形象？）我不嬲都冇啦！其實我性格係好直率，話唔定受劇集效應，可以吸納到比較鍾意重口味嘅另類粉絲呢！呢個角色真係好正，拍嗰時好享受，加上一直好恨演喜劇，要令觀眾笑係好難，當做到就好有成功感。」
