楊思琦望母女檔娛闖圈
藝人楊思琦為劇集唱「洗腦歌」過足歌癮，將來也希望母女檔合唱！不過問到會否讓兒女入行？她表示要讀完書再看看：「個女都鍾意表演嘅！」
香港開電視早前邀請楊思琦為外購日劇《夏空》唱主題曲，今次是她相隔10年後再唱劇集主題歌，雖然去年曾推出歌曲《愛的森林》，但向來做事認真的她特別請唱歌老師上堂，指點技巧：「接到電話話搵我唱歌，話故事嘅女主角似『阿信』咁，好似我咁堅毅、奮鬥，好快應承咗！首歌好明快、鼓舞同陽光，套劇有成百集，工作人員都話係『洗腦歌』，希望同大家洗腦打氣！喺屋企練歌嗰陣，個女都會跟住唱，仲同晒啲同學講，之前又派《愛》嘅CD畀同學，係我頭號Fans。」
踢爆囡囡唔夠勤力
思琦希望將來有機會母女檔合唱，但指女兒的性格與她大不同：「佢嘅天分係好鬼靈精，腦筋好靈活、反應快，估唔到佢諗咩，但就唔夠勤力，同我性格好唔同。」兒子則開始牙牙學語，聽到音樂會手舞足蹈，似乎遺傳了媽媽的演藝天分！對於兒女入行，她表示順其自然：「個女都鍾意表演嘅，等佢讀好啲書先再講啦！」除了歌癮，拍劇多年的她亦戲癮大發，但礙於疫情及照顧子女，暫時難以抽身到內地拍劇，希望遇到合適的香港演出，就能家庭事業兩兼顧。
疫情下與兒女朝夕相對，思琦坦言補償當年照顧女兒參與度不足：「生咗第1胎後2個月就開始做嘢，個仔就200%照顧，辛苦但係開心。」又直言2個夠晒數，湊成「好」字已滿足：「唔生喇！年紀大好難收身，亦冇咁多精力、體力照顧。」