黃芷晴送禮嘉許
藝人黃芷晴昨日現身商場活動，透露爸爸黃日華最近愛上行山兼減少吸煙，令她很開心。她自爆之前見爸爸咳嗽擔心不已，幸如今可以放下心頭大石。
黃芷晴昨日出席Mikiki舉行的「Pixar新春潮拜玩樂遊」新年裝飾及情人節推廣活動。提到情人節，單身的她坦言沒安排當日活動，多數會獨留在家，問到是否要陪爸爸？她笑說：「佢唔理我，最近愛上行山。（你唔一齊？）起唔到身，我多數夜晚先有靈感做嘢，爸爸就凌晨5點起身去行，我一齊應該會暈低。佢搵到個健康嗜好，我買咗對波鞋鼓勵佢！」又表示最開心是爸爸最近減少吸煙：「至少食少咗一半，我放心晒，前排佢咳我好擔心，可能有陰影。我上網睇咩事，自己嚇自己，本來想逼佢身體檢查，但依家OK啦！」
「慈父牌」蠟燭開高價
芷晴指爸爸有新嗜好，她可以安心籌備新年市集及製作蠟燭：「我有少少擔心疫情關係個市集開唔成，所以唔敢整太多。我有放上網賣，生意唔錯。（回本未？）暫時一半啦！（爸爸幫手整？）自由發揮，佢嘅蠟燭唔賣，送畀朋友。（如果賣爸爸嘅製成品，可以叫高啲價喎！）咁我要幫佢開個社交網。」她指導師笑爸爸這個學生很特別，覺得他做的事很「文青」，而父女下月就會獲頒相關證書。
