余思霆約仔夜蒲 朱敏瀚未驚過
余思霆被拍得在台灣夜店與友人大跳火辣貼身舞，朱敏瀚昨日出席活動時被問到此事，充滿信心地表示對女友的行蹤瞭如指掌，絕對「未驚過」：「佢去到邊都會同我講，我哋關係好好！（有冇叫佢避忌啲？）佢知道o架喇！」
他早前在台慶頒獎禮奪得「飛躍進步男藝員」獎項，雖然女友不在身邊，但有靠視像通話分享喜悅：「當日個騷未完我哋已經有傳訊息同視像，大家都好開心。」至於余思霆昨日受訪時亦表示有跟男友報到：「嗰晚係同啲外國返嚟嘅朋友玩，所以比較癲少少。我去邊男友都知，所以冇事嘅，其實嗰個場係基吧嚟！」