何孟珊狂掃減價貨慳做《東張》女神

何孟珊走到減價區即爆Seed揀衫，不停拼上身。

《東張》盛產「女神」，何孟珊亦好好裝備自己，日前被發現在尖沙咀的服裝店入貨扮靚。她在店內先逛新貨區，但似乎不太合心水，只挑選了1、2件服裝，隨後轉戰減價區便燃起購物欲，迅速揀選不少低至200蚊有找的「跳樓貨」到試身室試衫，最後亦滿載而歸。

做街訪「食檸檬」

事後，她受訪時表示能夠加入《東張》相當開心，現時擔任外景主持，認為最難是做街訪，皆因經常「食檸檬」！講到新入行收入不多，是否要慳住使？她笑說：「都要減少開支，依家最大開支係交通，服裝着公司衫又得，着私伙衫亦得。」講到挑戰做「東張女神」，她指先要練習採訪技巧及說話聲線，其他再慢慢諗。

攞到成手都係衫，滿載而歸。

何孟珊選港姐入行，率先獲選中加入主持《東張西望》。