馮允謙哽咽 自責忽略家人
寰亞歌手馮允謙早前在《叱咤樂壇頒獎禮》連奪3獎，成績大躍進！日前他接受電台訪問時，哽咽分享人生最痛，一手湊大他幾兄弟的嫲嫲，因新冠肺炎在加拿大離世：「媽咪打電話嚟，話嫲嫲喺24小時內就要離開，嗰刻我唔識反應，佢離開時，我唔喺佢身邊。我返嚟香港參加比賽嗰年，嫲嫲跌親入咗老人院，每年我最多返去探佢1、2次，好內疚為追夢而忽略家人！」
他與女友Crystal本打算於去年9月結婚，無奈受疫情影響而延期，他承諾疫情過後便迎娶對方，雖不想大排筵席，但為氹思想傳統的爸爸開心，亦願意改變初衷。