女星陳敏之、唐詩詠及楊思琦曾被前無綫TVBI經理借錢，不過她們相當機警，未有落疊。敏之昨日受訪時表示：「半年前佢問過我借錢，但我冇借畀佢，我記得佢係話屋企人要錢周轉，同埋冇咗份工，我唔記得佢問我借幾多錢，但冇借嘅原因係我問過啲識佢嘅同事，問佢係咪仲喺公司做，個同事就話佢冇做好耐，成日周圍問人借錢，所以我有所動搖冇借到。」詩詠亦表示：「佢之前喺社交平台私訊我，話唔見咗我電話，想問我攞番，不過我聽過有藝人話佢經常問人借錢，所以我冇畀佢。」
至於楊思琦「懵盛盛」避過一劫，她說：「佢之前傳短訊問我借幾千蚊，以為佢畀人hack咗，所以冇理。」