舊愛轟大話精黐富豪 前亞姐梁雪瑤反擊 靠自己搵錢
前亞姐梁雪瑤（Sheryl）與澳洲籍男友Kevin分手2年，惟男方似乎仍未放下，於網上撰長文發洩，暗指有人貪慕虛榮、以無數大話隱瞞與不同有錢男士約會，並以提出分手來要求他啞忍，他寫道：「離譜嘅係我點都估唔到佢喺我哋嗌交第2日，就同個大佢20歲、食過2、3次飯嘅所謂富豪睇樓。」他還指女方曾說過「同有錢佬一齊隨時有層樓」，跟他卻「乜都冇」，令他大受打擊，分手亦令他走不出情困失眠，他又表示曾有結婚打算，怎料卻換來無情狠飛，5年情話完就完，更指：「係你隱藏得太深，定係一個人窮得太耐，抵受唔到錢嘅誘惑？有錢佬係咁意使10萬、8萬就搞掂一個屋邨妹，原來係真嘅。既然你對我無情，我都唔會再留戀了。」
與亞視和平「分手」
對於舊愛於網上洩「憤」，Sheryl即明言與對方已沒有聯絡，昨日她透過短訊回應：「感情方面，我哋分手好耐冇聯絡，唔知點解佢要講啲唔係事實嘅嘢，我冇問過任何男友攞錢，一直都係自食其力工作賺錢，同埋真係唔適合，祝佢搵到新嘅伴侶。」
另一方面，她與亞視的合約原定今年才屆滿，但有感當選以來工作量不多，加上想向唱歌方面發展，她還自掏腰包出歌，故去年一直與亞視傾解約，據知經多番商討後，她獲免費放生，唯一條件是要為亞視免費做音樂騷，直至原定合約期滿。難得亞視如此鬆手，Sheryl也願意配合，她受訪時說：「主要想獨立做嘢，自由啲。舊公司好好，我哋和平氣氛下解約，1蚊都唔使賠。」