美國男星湯告魯斯（Tom Cruise）上月於《職業特工隊7》（Mission: Impossible 7）片場，狂鬧工作人員未有保持社交距離的聲帶曝光後，被爆買入兩部高科技防疫機械人，於片場監控工作人員，更可即場做檢疫。
知情者透露：「套戲喺英國恢復拍攝，之後會去杜拜。阿湯好認真，為咗確保拍攝唔會暫停，花好大筆錢買咗呢啲機械人，因為佢唔可能成日睇住啲人有冇守規矩。冇錯，上個月佢發火可能有啲誇張，但其實佢係啱嘅，好多知道內情嘅人都同情佢。呢部片畀好多酬勞佢，佢亦知道依家有得開工係好幸運，而且所有工作人員都要靠呢部片搵食。呢啲機械人非常複雜，仲幾有震懾力，佢哋就好似『未來戰士』咁，只係冇咁暴力。」