藝人滕麗名上載額頭起「樓」的照片，個瘤有乒乓波咁大，甚為誇張！她透露老公朱建崑看見後反應冷淡，還笑指其特技化妝出色，她引述老公說：「老婆做乜一早起身化傷妝呀！」她無奈回覆：「係真o架！撞咗個頭埋牆，好X痛啊！」原來她有次拍額頭受傷戲，未落妝就回家，令老公嚇一跳，所以今次以為又「上當」，反而好友黃翠如更緊張，留言：「好大粒！睇到都痛！」
