藝人經理人王友良旗下兩位男新星、日籍藝人喜內優心和羽生田舉武，近日打入內地選秀節目《創造營2021》，節目過往捧出不少女團如火箭少女101及R1SE等，今次希望打造國際男團。
他們坦言入圍已當贏，離開日本前特地相約師姐松岡李那見面，松岡打氣說：「內地真人騷同日本唔同，行程較趕，叫佢哋有心理準備，同埋希望佢哋學好普通話，唔好怕講。（睇好邊個？）羽生田曾經係木村拓哉師弟，有經驗啲。（最錫佢？）個個都錫，不過見佢多啲，跳舞都睇好佢。」
