朱紫嬈脊椎側彎 遭同學欺凌
歌手朱紫嬈昨日出席新歌《怪．誕》發布會，她自爆小學5年級時發現患有家族遺傳性脊椎側彎，治療期間遭同學杯葛，非常自卑，她哽咽說：「做健康檢查時發現，之後要戴住個好似『盔甲』嘅嘢矯形，同學會用奇異眼光望我、杯葛我！中一時，老師畀咗個Locker我放嘢，啲同學就扑爛個Locker，仲掉晒我啲書，好唔開心！」
她表示矯形過程足足2、3年，但都失敗，最後需要做手術調整脊椎，留下長疤痕，並形容似「劏豬」：「呢刀係由頸下面一路開到Pat Pat，我成日都記住背後有呢條疤，搞到好有自卑感。」