曾參加《衝上雲霄大選》的前機師李傑志（Brian）在比賽當晚被網民批評髮型Out，近日他終於變髮，將頭髮剪短及做新色Highlight，問到是否聽從觀眾意見而改變形象？他說：「之前做飛機師希望造型保守啲、穩重啲，先至畀到信心乘客，公司真係有講髮型唔可以太Fashion。咁既然依家冇做，就可以做依家嘅髮型，但金毛揸飛機就唔係咁好。」雖然在比賽中未能得到名次，但他獲邀現身節目《#後生仔傾吓偈》及獲邀出席台慶頒獎禮。
