李漫芬讚2歲囡好戲
不時拍劇的藝人李漫芬，日前首度一家三口上陣，與老公談成坤及女兒談在心客串劇集《把關者們》，甚有紀念價值。
她表示沒想到2歲多的囡囡演技出色，能應導演要求做出不同表情：「當初監製問我哋有冇興趣拍，仲要面試，點知真係揀咗我哋。囡囡今次要講對白，喺屋企有同佢練習，導演要佢做唔開心嘅表情，佢又真係做到，都係一個美好回憶。（畀佢幾多分？）100分！因為嗰朝好早起身，但佢冇扭計，仲好開心咁，拍完即刻冇晒電瞓覺，好好笑！」問到日後會否再舉家上陣拍廣告或劇集，她揚言無任歡迎：「我OK，因為係畀我哋留念，畀佢見吓個世界，見識吓都好。」