周美鳳公關冇生意 見步行步

周美鳳於1986年曾參選港姐，2000年從商開設公關公司，主力做奢侈品牌及化妝品牌，然而有傳捱不住疫情，去年底向員工派遣散信。昨日她否認傳聞，笑言經常向友人呻冇生意要減人，可能引起誤會，她說：「依家同事仲喺公司，見步行步，做老闆都惟有縮皮。以前最高峰時期有18個員工，依家得3、4個，有啲同事係自己轉工唔做，因為冇嘢做冇分紅。（公司少咗幾多成生意？）唔係少咗幾多成，係差唔多冇生意，依家仲有幾個做開嘅客嘅。」她不諱言若疫情持續，可能真的要「停一停抖一抖」。