周家怡犧牲色相 半裸床戰黃德斌
好戲之人周家怡、黃德斌為張敬軒的新歌MV犧牲色相，半裸上演一幕激烈床戲，尷尬得笑不停！軒仔則全程負責監督，發揮暖男本色。
張敬軒自家音樂品牌推出的首張大碟，由全新歌曲《俏郎君》響頭炮，MV不惜工本以電影模式製作，並找來黃德斌及周家怡擔任男女主角，雖然軒仔未有出鏡，但兩日的拍攝全程都在現場，親自監督每場戲，由情感演繹到鏡頭表達都參與其中，務求將這份令人痛惜的愛一幕幕精準展現。
軒仔監場畀意見
MV中，家怡與德斌有一場激烈床戲，家怡半裸上陣露出白滑玉背，連她自己都話好激：「唔係螢幕初吻，亦唔係第1次拍床戲，不過就係第1次拍咁激烈嘅床戲！」由於2人熟落，所以拍得很放心，家怡說：「排戲嘅時候真係忍唔到笑，因為太熟喇！佢都忍唔到笑，嗰個位就會有少少尷尬，都幾得意。」這幕親熱戲同時令她十分感動，因為大家都有種悲哀的感覺。
她又大讚軒仔是貼心暖男，大家開了多次會議，對方給予很多意見：「佢對成個團隊照顧得無微不至，好開心同佢合作。」談情以外，MV還有翻車着火等驚險場面，德斌大讚製作有心。