出動吊臂車 蔡嘉欣搵命博 水塘飛舞

蔡嘉欣練習空中絲帶舞2年，前年參選港姐表演時技驚四座，去年更有機會在《萬千星輝賀台慶》表演。最近她決定向高難度挑戰，在水塘拍攝空中玩絲帶照！為了拍出唯美畫面，她動用大型吊臂車懸吊在水塘之上，做出各種高難度動作，更出動參選港姐時自購的戰衣上場，大晒無敵長腿。

工作人員全程傍實

片中見她懸空做出一字馬、凌空旋轉及倒吊等優美動作，有姿勢又有實際，附近有數名工作人員傍實。她指空中瑜伽與絲帶瑜伽有分別，前者絲帶呈U形，後者則是2條垂直的絲帶，呈「11」字。空中絲帶有效鍛煉肌肉，而且動作優美，令她深深愛上這項運動。

險失手跌落水

網民留言大讚她猶如仙女下凡，不過美麗背後，拍攝期間原來一度發生驚險小意外，她受訪時說：「其實我有個動作Kick住咗，可能我太過心急，當時吊喺空中又解唔到繩，一定要去番湖邊落地解繩先安全，都有少許危險，有機會跌落水塘，當下個心都離一離！」