賴慰玲叫雙飛：有人睇好當贏咗！
舞台劇出身的賴慰玲轉戰公仔箱短短幾年，已被認同為實力派演員，最近以大熱姿態憑劇集《反黑路人甲》中社團大家姐一角，角逐台慶頒獎禮「最佳女配角」及「最受歡迎電視女角色」獎，不過她坦言信心只有一半，能夠獲同行鼓勵聲音已滿足。
在揭曉入圍名單記者會上，當宣布她有份角逐時，現場爆出歡呼聲，再加上身邊「你值得攞、好想你攞」聲音不斷，令她感動到眼濕濕。對於奪獎呼聲高，她卻謙虛地說：「舊年我主要出咗呢套大回響嘅劇，都算係有一啲收穫，好似大家再睇多咗我一啲，成個劇我都好鍾意，所以好想攞埋『最佳劇集』。（有冇野心攞獎？）我唔能夠預計嘅嘢，唔敢抱太大期望，好期待呢個Party，勝算都係一半半，10幾個對手，有人睇好已經當贏咗！」