有「港版石原聰美」之稱的模特兒鄭嘉欣（Christine），入行4年，自小喜歡唱歌的她早前膽粗粗參加《全民造星III》：「係好好嘅舞台去表現自己，同埋可以畀觀眾認識我。」雖然在40強時被淘汰，但未有放棄歌手夢，更向公司自薦唱歌。

講到身高1米78、擁44吋長腿，她透露小時候已高人一等：「幼稚園開始已經係排最後，成日羨慕人哋可以排前面。（高到幾時先定？）好誇張，到19歲先停，我中學打排球隊，可能打打吓咁高。」又自爆曾因生得太高而自卑：「會諗點解同其他人唔同，但大個做模特兒就覺得係優勢。」問到可會難找男友？她說：「反而覺得依家啲男仔普遍偏高。」

至於擇偶條件，她說：「鍾意笑得好睇嘅人，陽光型同善良好重要，同埋有我仰慕佢嘅專長。」至於身高？她表示最重要是感覺，初戀男友就矮她半個頭，更是她做主動追求：「中學臨近畢業，突然覺得好鍾意佢，所以成日搵佢，然後成功咗，哈哈，可能佢本身都對我有啲感覺。（之後遇到鍾意嘅人都會主動？）依家事業為重。」又指目前單身，雖然不乏追求者，但現階段不恨拍拖。

Profile

年齡：28

三圍：34、25、36

興趣：唱歌、影相