朱敏瀚諗計陪余思霆倒數
台灣天團五月天日前於台灣桃園棒球場舉行跨年演唱會，除了現場逾2萬觀眾，亦開放線上播放給世界各地樂迷觀賞，身在當地拍攝無綫綜藝節目的藝人余思霆，趁機到場朝聖，雖然與男友朱敏瀚分隔兩地，但男方透過網上睇騷，兩人同時於社交網限時動態上載照片，女方於照片寫上「一起看着」，男方則寫着：「不同天空，一起看着」，隔空傳情！思霆受訪時說：「上次我哋一齊喺花蓮睇煙花倒數，今次要做嘢唔能夠一齊，佢有同步Send 3、2、1嘅訊息畀我一齊倒數，但我太專注睇騷Miss咗！（五月天緊要過男友？）唔係！我都好掛住佢，但五月天都好重要㗎！」
另外，朱敏瀚去年變身「肌男」，憑劇集《反黑路人甲》「陸秋」一角人氣急升，入圍《萬千星輝頒獎典禮2020》「最受歡迎男角色」、「最佳男配角」、「飛躍進步男藝員」及「最受歡迎電視拍檔」共4個獎項。近日他「終極一脫」，在社交網大晒結實肌肉造勢。他受訪時坦言對「男飛躍」及「電視拍檔」獎項較有信心。