羅天宇殺入《十月初五》同胡鴻鈞爭女
無綫藝人羅天宇樣子俊朗，演得又唱得，惟之前性格較為內斂，加上未遇上機會，入行多年星途平平。不過早前於劇集《香港愛情故事》與龔嘉欣飾演一對為了買樓而絞盡腦汁的小夫妻，劇中表現令人刮目相看，2人的調情戲及床戲更獲網民讚演得夠放。
專心事業禁拍拖
今年他憑該劇角逐台慶視帝寶座，但深知自己未夠資歷，反而對「飛躍進步男藝員」獎有信心。而無綫一心捧他上位，據知，稍後重拍經典劇《十月初五的月光》，當年馬浚偉飾演的「司徒禮信」一角，本來是吳偉豪與羅天宇之爭，最後高層一致推舉羅天宇，但就要他專心事業，暫不談感情事。
希望擦出新火花
昨日羅天宇受訪時表示：「係接咗司徒禮信個角色，不過以前睇過都好模糊，所以近排有睇番參考。雖然故事大綱都係用番以前故事做藍本，但都唔係完全一樣，我哋今次唔會去澳門拍。」談到將與演「文初」的胡鴻鈞力爭「君好」何依婷歡心，羅天宇表示跟首次2人合作，劇中與胡鴻鈞有段深刻的兄弟情，希望可以擦出新火花。對於《香》劇口碑好，是否打了支強心針？他說：「之前得到大家肯定，所以希望嚟緊角色可以駕馭得好啲，畀到另一面嘅羅天宇觀眾睇。」