美國女星珍妮花安妮絲頓（Jennifer Aniston）日前於社交網上載掛在聖誕樹上的吊飾照片，其中一個是刻有「我們首個大流行2020年」的木製吊飾，被網民批評行為愚蠢，似紀念疫情！有人怒轟：「裝飾物標明『大流行2020年』太敏感喇！因為呢個大流行，令無辜者嘅生命喪失。我哋唔會慶祝呢啲仆Ｘ嘢。做好啲啦，珍妮花安妮絲頓！」
亦有網民批評她冇品味：「唔理個聖誕吊飾係咪佢嘅，但係佢放得上社交網，珍妮花咁做實在好冇品味，製造吊飾嗰個亦係白癡同冇同情心。」不過有粉絲為偶像講好說話，叫大家不要忘記她曾於社交網呼籲幫忙小型企業，以及在大部分的貼文叫人戴口罩。