夜訪連詩雅？陳家樂：車入面唔係我

陳家樂跟連詩雅（Shiga）已是半公開的一對，雖然未有大方承認拍拖，但不時網上隔空傳情，又經常被撞破孖住出入。昨日有指家樂駕車夜訪女方香閨培情，逗留到深夜仍未離開，但今次他斬釘截鐵地說：「我覺得好搞笑喎！影嗰架車唔係我架車，車入面又唔係我，即係我由頭到尾都冇畀人影到！我睇咗條片，可能係認錯咗。」當追問到感情，他笑言關於感情的新聞都不會回應：「之前都講過唔想講太多自己感情事，希望大家畀啲空間我喇，多謝關心！」Shiga透過經理人同樣表示沒回應。