冬至Shopping 吳沚默孤伶伶食白果
今年劇接劇、現正拍攝無綫劇《拳王》的吳沚默，雖有不少裙下之臣，但可惜愛情一直交白卷，昨日冬至，被拍到孤獨行街Shopping，先看朱古力再去睇鑽飾，但揀不到心頭好，最後兩手空空離開。
事後她接受電話訪問，指因家人全在內地，冬至只能跟同住的室友一起食飯度過，直言非常掛念父母：「成年冇見過佢哋，真係好掛住佢哋！」
買禮物氹自己
她之前完成了《一笑渡凡間》及《刑偵日記》，而跟李佳芯及陳豪合作的《愛美麗狂想曲》，正於myTV Gold播映，於該劇飾演「小三」的她，一場與「正印」李佳芯「講數」的戲份，演技獲不少好評。今年成績如此好，問到是否想買鑽飾獎勵自己？她笑說：「唔係呀！係想買份禮物送畀媽咪，但可惜未搵到好喜歡嘅，至於朱古力就真係買畀自己嘅，當係送畀自己嘅聖誕禮物啦！」
