梁雪瑤樂壇新丁 唔係得個樣！
前亞姐梁雪瑤自資推出單曲《兩人總比一人好》，能夠圓歌手夢，她認為值得：「由創作到製作MV，好似10月懷胎，當BB誕生就好開心！」早前更在頒獎禮奪得首個音樂新人獎，心情興奮！熱愛唱歌的她，小學已參加合唱團，她明白合唱團跟唱流行曲不同，所以一直跟老師學唱歌：「呢行競爭好大，壓力一定有，要不斷充實自己，提升競爭力。」
讀建築設計出身的她，給自己5年限期在圈中打拚，坦言：「如果冇乜起色，我會做番建築設計行業或者其他工作。」亦承認唔試過唔心息：「我會用時間證明畀大家睇，我唔係靠外表。」雖然新歌有人畀負評，但她未有介懷：「最多都係抨擊我個樣唔靚，又話我選美係貪慕虛榮，我唔會放喺心上。」