游嘉欣戲如人生 住公屋大滿足

現年20歲的游嘉欣，在劇集《香港愛情故事》中表現清新可人，深得觀眾喜愛。劇中講述她一家5口屈居於公屋，原來現實中她現與哥哥和父母1家4口，同樣住在公屋單位。早前曾在直播中分享家中沒冷氣和WiFi的生活，更指落雨時雨水會由冷氣機位置流入房間，當時更被同劇演員徐文浩和林正峰笑指她過着原始生活。

理想對象似林峯

游嘉欣表示童年時與家姐睡碌架床，自家姐搬離後，現與哥哥和父母住同一屋檐下，但不會因為住公屋而心生不滿，她說：「依家擁有自己房間已心滿意足，其實住公屋真係幾開心，麻雀雖小五臟俱全，附近環境又好，應有盡有。」

劇中貪慕虛榮的她一直希望覓得有樓有錢的男友，而現實中她沒有拍拖經驗，劇中獻出的初吻是如假包換的初吻：「我都好想拍拖呀！可能我性格比較Man，唔太小鳥依人，所以男仔唔鍾意我呢類型。依家升咗大學，可能入咗娛樂圈嘅原因，都唔知點解冇人追，好傷心。」她透露林峯是其理想型男友，又公開擇偶條件：「要比我高、孝順父母，對我好溫柔，幽默好重要。」

曾傾慕體育老師

思想成熟的她略嫌同齡男生太貪玩，揚言可接受另一半比她大10年，更自爆曾鍾情老師：「我細個仰慕過一個體育老師，當時我係田徑隊，同阿Sir幾乎朝夕相對，覺得佢好吸引。」至於被列入娛樂圈靚女「嘉欣」行列，她深感榮幸：「希望自己都可以維持到好形象。我細個好鍾意鍾嘉欣，好想見佢一面。」