金盈香噴噴做老闆娘
無綫前新聞主播金盈（Liz）逆市創業，於網上賣香薰蠟燭，實現兒時夢想，她說：「由細到大都鍾意聞香味，聞咗令心情愉悅啲，呢個由細到大嘅夢想同情意結變成現實，原本有唔同嘅計劃，但因為疫情，好多都改變咗。」由於是首次創業，她不敢太冒險，所以在網上小試牛刀。
金盈一向是環保分子，創業籌備了一年，她說：「試過好多唔同類型嘅蠟、唔同精油嘅比例，成個過程最難係調配，不時有同業界、歐美調香師交流，而我關注蠟嘅成分，好多都唔環保，我要由環保出發，用大豆蠟同蜂蠟對空氣污染、人體健康都係比較好選擇，材料都係純天然。」