馬浚偉樂做「香港仔」辦學培育接班人
馬浚偉在演藝界多年，演而優繼而搞創作，2000年開始創立自家公司，建立9個不同範疇單位，分別搞教育、電影、音樂、出版及咖啡等事業。最近他更開設藝術學校，培育新一代回饋香港，決心做個真正「香港仔」！
馬浚偉近年邊學習邊開拓不同事業，之前完成北大碩士課程後，現正修讀大學中醫課程，他坦言忙得快樂，更堅持宗旨，生活、工作都要活在快樂中！他日前受訪時說：「我嘅生活同工作有2大要求，我做嘅嘢一定要我鍾意，唔鍾意嘅唔會做，同埋一定唔會淨係為自己，會為埋其他人，呢2個立場我堅守得好清楚！我自己要嘅嘢已經足夠，同好多有錢人比當然冇得比，但我自己生活冇太大壓力，做啲嘢出嚟係人哋得益多過自己。」
提供實習機會
談及開設藝術學校，他直言是其夢想，學生要學的包括溝通、演戲、唱歌及跳舞：「我開呢間學校，唔係只幫學生完成藝術夢，希望有機會畀佢哋實習、體驗，譬如我同邵氏合作，有潛質嘅會嘗試轉介佢哋，佢哋亦有機會演出我旗下作品，舞台劇、電影、節目甚至Mini Drama。」
他希望趁自己有氣有力，幫助新一代：「我真心想留喺香港幫新一代，一定唔會離開，冇興趣移民！（近年轉變咁大都冇諗過？）咁咪正正需要我哋啲中年回饋呢個地方，我喺TVB捱慣，以我依家嘅人脈、認識嘅資源，應該投放番，所以我啲Project冇離開過香港，咁先係一個真正嘅『香港仔』！」