羅天宇遭生剝求饒 龔嘉欣：乜都睇晒
藝人羅天宇於新劇表現大膽，但昨日宣傳被拍檔龔嘉欣要求除衫時卻相當扭擰，最後更跪地求饒，場面爆笑。
龔嘉欣、羅天宇、蔣家旻、游嘉欣等昨日出席無綫劇集《香港愛情故事》宣傳，為配合劇中角色，天宇被要求當眾向嘉欣示愛，沒料被對方要求除衫，同場的林景程即上前幫拖，結果他除下大褸後即跪地求饒，十分搞笑。
事後兩位主角受訪，對於劇集口碑好表示沒有預計過，相當開心，天宇談到於下月頒獎禮分別有視帝、飛躍及喜愛角色3個獎項提名，不諱言感覺如發夢：「唔敢諗太多，但對自己嚟講係一個肯定。（拉票？）媽咪日日Send條Link畀人，叫佢哋入去見我個名就撳。」
添食齊叫好
對於劇集有機會開拍第2季，他們同聲叫好，嘉欣更興奮地說：「好想，因為成個團隊好開心，但我唔想再有嗰啲（親熱）場口，要零床戲。」更爆笑說：「乜都睇勻晒，厭咗，我唔要天宇喇！（咁抗拒？）講笑，其實佢之前都介懷，因為角色本身唔係佢，但我覺得選角係啱嘅，第2輯都一定預佢，非佢莫屬。」天宇則坦言早幾日才知道原來是執二攤，但沒有想太多，認為已盡力演好角色。而游嘉欣對於被指是湯洛雯接班人，笑言擔當不起，會視對方為學習對象。