新片《職業特工隊7》（Mission: Impossible 7）男星兼監製湯告魯斯（Tom Cruise）繼日前鬧片場2名工作人員未有保持社交距離的聲帶曝光後，被指周二晚再發火，結果5名工作人員劈炮！知情者透露：「第一次發火好大件事，但所有嘢都未平復。幾個月嚟個氣氛已經好緊張，呢個係最後一根稻草。自從件事曝光，內部有更多怨氣，結果有幾個員工辭職。不過阿湯喺大家做咗咁多嘢去確保拍攝可以繼續後，已經忍夠，佢好唔開心，因為其他人唔似佢咁認真對待防疫。歸根究柢，佢係負責嗰個。」
男星佐治古尼（George Clooney）力撐靚佬湯，指他並非過度反應，因為真的有問題，又指對方可能已看到類似情況10多次，但就自言未必會用指明的方式鬧人。