美國男星湯告魯斯（Tom Cruise）早前趕拍因為新冠肺炎疫情而多番延誤的《職業特工隊7》（Mission:Impossible 7），有2名工作人員因為違反社交距離指引，被他爆粗狂鬧！
繼英國男星基斯頓比爾（Christian Bale）於《未來戰士2018》（Terminator Salvation）片場，爆粗狂鬧燈光師阻礙他入戲的聲帶曝光後，荷里活再有另一宗明星發火聲帶外洩事件！今次主角是好好先生形象的湯告魯斯，他於英國趕拍《職業特工隊7》時，鬧爆違反指引的工作人員！
英國報章公開長達接近2分38秒的片場錄音，身兼監製與男主角的靚佬湯，見到有2名工作人員於2米內一起看電腦螢幕，爆粗警告他們：「如果我見到你再係咁，你就會被消X失。如果喺團隊入面有任何人咁做，就係咁先。你同你都係，以後唔好再咁X樣做。佢哋能夠重回荷里活拍戲都係因為我哋，你兩個X街！唔使道歉，你留番同嗰啲因為呢行關閉而喪X失家園嘅人講！我哋唔X會停止呢套戲拍攝。明白未？」
部分網友覺得靚佬湯發火情有可原，並非耍大牌，因為片場一旦有工作人員確診，至少要停工2星期。而《職》片年初已經因為疫情延誤多個月，靚佬湯亦曾自掏腰包花500萬港元包下郵輪，給幕前幕後工作人員安全隔離。
另外，美國天后Cardi B早前生日及感恩節大搞派對被批評「播毒」後，雖然她有道歉，但仍然死性不改，日前為美國饒舌歌手老公Offset於美國阿特蘭大的夜店舉行生日派對，於社交網公開片段，可見夜店內堆滿人，眾人未有戴口罩，分分鐘變「生日群組」！