前港姐冠軍陳庭欣（Toby）與身家豐厚的美容業老闆男友楊振源（Benny）拍拖2年多，不時傳出喜訊。但異性緣旺盛的男方近日屢傳緋聞，繼被爆與現為藝人謝可逸女友的失婚人母Jathy過從甚密後，又被爆另一單緋聞！
據知，早前Toby為了幫男友宣傳生意，會叫模特兒好友到男友的店舖「打卡」，亦會介紹好姊妹給他認識。有傳曾拍劇集《多功能老婆》的模特兒蔡佩賢（Kitty）跟Benny愈玩愈埋，日對夜對下撻着，曾在私竇密會，但被Toby撞破，令她嬲到爆！
昨日Toby受訪時擺明劃清界線：「簡單回應就係，我同呢個Kitty唔係閨蜜，冇經常出去食飯飲酒，大家只係有共同朋友啫。而我已經冇再聯絡佢，唔想近朱者赤，近墨者黑。」雖然她不認Kitty是閨蜜，但於社交網發現不少她們的合照，其中包括出海遊船河。
翻查資料，Kitty任職模特兒，入行前做過化妝師，亦曾客串電影，以及多次擔任「神奇小子」曹星如拳賽的「舉牌女郎」。