羅力威為妻女着想 連做2次檢測

昨日有指1名負責幕後製作的人員確診新冠肺炎，再傳他曾於本月10日在亞視1號錄影廠錄製《創世電視》聖誕Online音樂分享會，當日阿威、黎燕珊及《創》總監葉家寶等曾現身錄影廠，因而成為疑似接觸者，人心惶惶。當中外界最擔心阿威，因為他與雨僑的女兒只得約4個月大，免疫力較低。

非密切接觸

阿威受訪時表示收到消息後，因家有初生嬰兒所以特別擔心，而公司英皇即時安排他連做2次病毒檢測：「因為篤手指驗血立即知結果，但只有9成準確，所以另外再做要等1日先有結果、但有9成9準確嘅唾液測試。2次檢測都冇事，多謝大家關心。」問到等候結果時是否很擔心？他坦言：「驚，但後來知道確診者唔係亞視人，而係合作嘅影音公司員工。我冇同對方同空間亦冇接觸過，知道係好間接就冇咁擔心。」而黎燕珊表示有收到有關方面通知，她與員工已接受檢測，全部沒確診。

葉家寶：公司大消毒

葉家寶澄清確診者屬《創》直播室職員而非亞視員工，亦從未踏足位於大埔的亞視錄影廠，只在《創》荃灣區公司工作，而他長時間留在直播室，絕少接觸其他同事。不過為安全起見，全公司職員已接受檢測，證實沒確診，而《創》公司及亞視錄影廠已進行大消毒，他又說：「呢件事發生喺上周五，確診員工已康復出院，公司同事都開始繼續喺亞視工作。」