余香凝白色聖誕狂放閃

余香凝上月與有米男友陸政渡（Tim）拉埋天窗，傳雙喜臨門的她剪了短髮，迎來升呢人妻後的首個聖誕。前日她在社交網大放閃光彈，除了玩老公視角，更激罕上載Tim的照片，雖然他用相機遮掩了半張臉，但仍引起不少網友討論。
余香凝影相時玩老公視角，但唔夠手上的鑽戒搶眼！
余香凝影相時玩老公視角，但唔夠手上的鑽戒搶眼！

這對新婚夫婦趁聖誕前夕穿上黑色情侶裝，去酒店撐枱腳。飯後散步時，他們在人造飄雪襯托下手拖手感受節日氣氛，不少網友都笑指余香凝手上的鑽戒閃爆，太過搶眼。她留言：「之前講好今年年尾去睇雪，但係因為疫情冇得去，竟然！喺香港都睇到雪！其實只要同愛嘅人一齊，無論去邊、點樣過，都好開心好浪漫。」

Tim用相機遮樣。
  • Tim用相機遮樣。