羅霖疫市投資百萬險中求富
受疫情影響，前亞姐冠軍羅霖工作量大大縮減，還要養3個兒子，加上2仔劉子熙早前結婚，用了她不少積蓄。雖然生活負擔大，但她竟敢在這個時勢投資過百萬，做幹細胞生物科技醫學美容中心！她透露早前在內地工作，但因80多歲的媽媽在港做手術，她即返港陪伴：「家人嘅健康最重要，做嘢幾時都可以。內地有好幾個工作都推咗，想多啲陪媽咪。」
動用育兒基金
在疫市中孤注一擲做生意，問到可擔心風險？她說：「我險中求富！依家啲人好着重養生同健康，呢樣嘢對身體好，而且可以提升免疫力。」提到這筆投資並非小數目，她笑說：「我同股東講咗啲錢係要嚟養3個仔，如果蝕咗要賠畀我！不過我今次好有信心，係用自己嘅細胞提煉，然後再注射喺自己身上。（之前發生過相關意外，會唔會擔心？）唔擔心，之前睇過好多資料。」
收1,200蚊送祝福
另外，最近社交平台興起藝人祝賀短片平台，吸引不少藝人加盟，用家只需付款給心儀藝人，他們就會安排拍攝祝賀短片，羅霖亦有參與其中，每條片叫價1,200元，撼贏索價1,000元的孫慧雪及500元的陳偉琪！羅霖對此表示：「今次只是支持朋友嘅平台，以友情價參加，正常唔係呢個價。」