荷里活著名男星佐治古尼（George Clooney）自導自演的新作《永夜漂流》（The Midnight Sky），即將於Netflix上線。59歲的他近日受訪時自爆為了片中角色而減肥接近28磅，結果因身體不適而緊急入院！
據知古尼在影片開拍前4日，因患上胰臟炎導致肚痛要緊急送院，最後休養幾星期才康復。他受訪時說：「我諗我因為嘗試快速減肥減得太勁，可能係冇好好照顧自己。花咗好幾個星期先好轉，而作為導演實在唔容易，因為你需要精力。我哋喺芬蘭冰川拍攝，令工作更加艱巨。」查實今次已非他首次為藝術犧牲，2006年他為接拍電影《油激暗戰》（Syriana）而增肥35磅，結果他憑影片勇奪奧斯卡最佳男配角獎，總算有回報！