崔碧珈十問九唔應激親媽咪
藝人崔碧珈（Anita）外表好動，不過她自爆小時候十分內向，令媽咪甚為激氣，她說：「細個有一樣嘢令到媽咪好激心，唔係因為我百厭，而係我好內向，唔鍾意講嘢，媽咪話我十問九唔應，我當年已經5、6歲識講嘢，但唔善於表達自己，我係明佢講咩，但唔會回答，搞到媽咪好忟。」
Anita是家中長女，有1妹1弟，3人感情要好，但也試過因為爭玩具而跟妹妹吵大鑊，最後慘被罰：「細個好興玩可以換衫嘅洋娃娃，妹妹好鍾意攞我個洋娃娃嘅衫着落佢個洋娃娃身上，但兩個公仔嘅size係唔同，有一次佢整爛咗我個公仔件衫，我當年8歲、佢4歲，我發脾氣又喊又鬧，媽咪見到就罰我要掹耳仔，媽咪話我係家姐要有啲器量，要包容細妹，當年我當然唔明白，但大個咗就明白做家姐要照顧細佬妹。」