謝東閔生日匿埋撐枱腳
剛過35歲生日的藝人謝東閔，前晚出席無綫節目《流行經典50年》，透露生日與女友朱智賢選了隱蔽的地方過2人世界，他說：「一嚟因疫情怕人多，而且依家基本上只可以兩個人食飯。（女友送咩禮物畀你？）冇，只係食餐飯、傾吓偈已足夠，仲有個生日蛋糕，同平日冇分別，我係一個平淡嘅人。」
至於之前女友的偷食風波，有否影響2人的感情？他說：「過咗咁耐唔記得晒啦，向好嘅方面諗。」謝東閔於劇集《香港愛情故事》有不少大尺度場面，更要赤裸上身，他為此刻意減磅操肌：「用兩個月減咗28磅，我寧願瘦都唔想畀人見到肚腩。」
戴祖儀羅天宇合照避忌
同場還有連詩雅、緋聞男女戴祖儀與羅天宇，2人合照時羅天宇甚避忌，他解釋：「冇尷尬，但成日畀人寫（緋聞），唔想將焦點放喺感情生活，冇咩好關注，冇Target，冇拍拖。」講到劇中他跟龔嘉欣有不少親熱鏡頭，他說：「同嘉欣唔算好熟，一嚟就拍兩日親熱戲，會快速增進感情。（如果對手係戴祖儀係咪容易投入啲？）唔關事，同佢合作冇所謂，最重要有機會。」戴祖儀亦表示，有機會也願意與羅天宇合作：「作為演員，無論劇本係點都會專業完成。」又大讚他於新劇中表現出色。