菊梓喬大把「o靚」 適合開拓兒童市場
藝人菊梓喬（Hana）近日為無綫娛樂新聞台節目《StarTalk》擔任嘉賓，大談推出新碟感受，她透露今次除了有份創作歌曲，還有幸與林峯合唱，就連唱片封套也赴韓國拍攝，非常落本！
除了音樂工作，Hana也開始於網上開設頻道，分享音樂以外的一面：「想拍多啲生活片段，因為粉絲覺得我好靜，所以拍咗好多行山、煮嘢、做運動同攀石片，仲會同小朋友互動，因為發覺自己有好多小朋友粉絲，佢哋年齡層由1歲半到10幾歲都有，平時佢哋媽媽會私訊我，話佢哋識唱我嘅歌，仲背晒我啲歌詞，睇嚟我都幾適合開拓兒童市場。」