陳凱琳後悔蒲得少
前港姐冠軍陳凱琳日前與KOL「雪姨」做直播，分享當年選美時最不快的，就是家人被起底：「屋企係點、有幾多兄弟姐妹等，我參選啫，又唔係父母去選，真係令我好唔開心！」成功奪后冠的她自言最不滿意的部位是頸及下巴，又自嘲有「3歲小朋友的BB指甲」。
直播期間，她抵死模仿老公鄭嘉穎在劇集《鐵馬尋橋》的經典大叫表情。而被問到如果重返18歲，有甚麼事情一定不會再做？她表示：「當年掛住讀書，人生只去過2次Club，後悔玩得少！」另外，提到4年前為慈善節目挑戰笨豬跳，她直言很驚慌：「跳完後覺得似跳樓，冇勇氣再跳。我冇喊，但係驚到坐喺地下！啲人咁變態o架，點解要跳完先捐錢？」